Ұлы Жеңістің 80жылдығына орай дене шынықтыру пәнінің онкүндігі аясында мұғалімдер арасында волейболдан жарыс.

2025 жылы Ұлы Жеңістің 80 жылдығына арналған іс-шаралар аясында мектебімізде дене шынықтыру пәнінің онкүндігі ерекше маңызға ие болды. Аталған онкүндік шеңберінде ұстаздар арасында волейболдан достық жарыс ұйымдастырылды.

Бұл спорттық шара ұстаздар қауымының бірлігін арттырып, салауатты өмір салтын насихаттауға бағытталды. Жарысқа мектептің әр саласында еңбек ететін мұғалімдер белсене қатысып, өздерінің тек білім беруде ғана емес, спорттық дайындықта да жоғары деңгейде екенін көрсетті.

Ойын барысында командалар ұйымшылдықпен ойнап, тартысты әрі қызықты сәттерге толы кездесулер өтті. Әрбір мұғалім жеңіске деген жігерімен және командалық рухымен көзге түсті.

Жарыс соңында үздік өнер көрсеткен командалар мен жекелеген ойыншылар марапатталып, мақтау қағаздары мен естелік сыйлықтарға ие болды.

Мұндай шаралар ұжымдағы ынтымақтастықты нығайтып, ұстаздарға жаңа серпін берері сөзсіз. Алдағы уақытта да дәстүрлі түрде өткізу жоспарланып отыр.