"ПЕДАГОГИКАЛЫҚ ШЕРУЛЕР" РЕСПУБЛИКАЛЫҚ СЕМИНАРЫ ӨТТІ

Бүгін «Өрлеу» БАҰО» АҚ «Түркістан облысы және Шымкент қаласы бойынша КДИ» филиалының ұйымдастыруымен педагогтердің кәсіби дамуын жетілдіру және қолдау, оның ішінде тәжірибе алмасу мақсатында «Педагогикалық шерулер» атты республикалық  семинар Жетісай ауданына қарасты «Тұран» мектеп-гимназиясының базасында  өтті.

Мақсаты: педагогтардың қызметіне курстан кейінгі қолдануды ұйымдастыру және жүргізу,  біліктілік арттыру курсынан өткен педагогтердің кәсіби қызметіндегі өзгерістерді мониторингілеу және талдау; 

оқыту және оқу процестерін табысты жоспарлаудағы педагогтердің жеке дамуын зерттеу.                                                                                     

Семинардың ашылу салтанатында концерттік бағдарлама, Тәуелсіздік мерекесі қарсаңында ізгі тілектер айтылды.                                         

Мектеп басшылары аудан әкімі аппараты, бөлім басшысы Ғазиза Шукурбаева және "Аманат" партиясы Жетісай ауданының филиалы төрағасы Әділхан Асауов, депутат Асқар Қайназаров сөз сөйледі.    

Аудандардан келген ұстаздар арнайы сабақтарға қатысып, тәжірибе алмасты. Республика бойынша ұстаздарға арнайы қашықтан конференция ұйымдастырылды.                                                  

Іс-шара соңында семинарға белсене қатысқан ұстаздар марапаттады.