Қазақ тілі мен әдебиеті пәні секциясы

Түркістан облысының білім беруді дамыту орталығының және Жетісай ауданының адами әлеуетті дамыту бөлімінің жылдық жұмыс жоспарына сәйкес 2023 жылдың 24 қаңтар күні қазақ тілі мен әдебиеті пәні педагогтері үшін Білім беруді дамыту орталығымен бірлескен «Білім мен инновация: білім беру процесіне жаңа көзқарас» тақырыбында ашық есік күні N7 "Тұран" мектеп-гимназиясының базасында өткізілді. Осы аталған ашық есік күніне қазақ тілі мен  әдебиеті пәндерінің  жас мамандары  қатысты.  Қазақ тілі мен әдебиеті пәні бойынша Жетісай ауданының адами әлеуетті дамыту бөлімінің  әдіскері Қарсыбаева Айгул  Тулегеновна жетекшілік жасады.   N7 " Тұран" мектеп-гимназиясының тәжірибелі  қазақ тілі мен әдебиеті пән мұғалімі Аденова Зауреш  Білім беруді цифрландыру жағдайында  оқушыларды қорытынды аттестаттауға және ҰБТ—ға дайындаудың тиімді жолдары бойынша өз әдісімен бөлісті.  Әдіскер Айгул Қарсыбаева жас мамандарды нормативтік құжаттармен таныстырды,  кеңестер, әдістемелік көмектер берді. Сонымен бірге жас ұрпаққа сапалы білім мен саналы тәрбие беруде атқарған жұмыстарына кәсіби өсу, шығармашылық  табыстар тіледі.