Уалханова Маржан: Михаил Лабковский – танымал психолог

Уалханова Маржан : Михаил Лабковский – танымал психолог, оның ата-аналарға берген кеңестері балалармен қарым-қатынасты жақсартып, оларды дұрыс тәрбиелеуге көмектеседі. Ол ата-аналарға өздерін жақсы көруді және баланы өзіндік тұлға ретінде қабылдауды ұсынады. 

Лабковскийдің пікірінше идеалды ата-ана жоқ, және балалар бұл туралы түсінуі керек. Біз бәріміз қателесеміз, және бұл қалыпты жағдай. Оның берген кеңестері балаға өсу мен даму үшін дені сау орта қалыптастыруға және сенім мен өзара түсіністікке негізделген қарым-қатынас орнатуға бағыттайды.

Михаил Лабковскийдің негізгі идеясы: баланың психологиялық және эмоционалдық саулығы ата-ананың өзін-өзі жақсы көруі, өзімен үйлесімді өмір сүруі мен бақытты болуына тікелей байланысты.

Ол ата-аналарға баланы қатаң тәрбиелеуге емес, алдымен өздерінің эмоционалдық жағдайын ретке келтіріп, балаларымен сау және шынайы қарым-қатынас құруға кеңес береді. Ата-ананың өзін жақсы көруі мен өмірден ләззат алуы – баланың болашақтағы психологиялық тұрақтылығы мен өзін-өзі бағалауының негізі болып табылады.