Ағылшын тілі пәні мұғалімі Алимкулова Маржан Көмекқызы

"Бала – біздің болашағымыз" шебер сынып

Бүгін, 6 қаңтар күні, №7 "Тұран" мектеп-гимназиясында "Бала – біздің болашағымыз" тақырыбында ауқымды шебер сынып өтті. Іс-шара барысында 9 спикер өз баяндамаларын ұсынды.

Ағылшын тілі пәні мұғалімі Алимкулова Маржан Көмекқызы ерекше тақырыпта – "Егер мен әлемді өзгерте алсам" – баяндама жасап, өзінің шебер сыныбын өткізді. Ол қатысушыларды әлемдік мәселелерді шешуде әр адамның үлесі маңызды екенін түсінуге шақырды.

Шебер сынып аясында топтық жұмыс ұйымдастырылып, қатысушылар білім беру, денсаулық сақтау, қоршаған орта және әлеуметтік әділеттілік салаларындағы маңызды мәселелерді талқылады. Әр топ өз шешу жолдарын ұсынып, ойларын ортаға салды.

Бұл іс-шара – жастарды белсенділікке, әлеуметтік жауапкершілікке және жақсы болашақ құруға ынталандыруға арналған үлкен қадам.

 Келесі шараларға қосылыңыз және бірге жақсы болашақ жасайық!