09
декабрь
2024
4-сынып оқушылары Әбіш Нұрым мен Бегімге республикалық кезеңге дайындық жұмыстары жүргізілуде.
№7 «Тұран» мектеп-гимназиясында 2-7 сынып оқушылары арасында өткен «Зерде» зерттеу жұмыстары облыстық кезеңінің жеңімпаздары, 4-сынып оқушылары Әбіш Нұрым мен Бегімге республикалық кезеңге дайындық жұмыстары жүргізілуде. Алдымен мектеп директоры Хадиша Нартаевамен кездесу өткізіліп, республикалық кезеңнің маңыздылығы талқыланды. Балалар үшін жеңістің символына айналған естелік сыйлық – тұмар-таға алу ерекше қуаныш болды.
Оқушылардың эмоциялық жай-күйін реттеу мақсатында психолог Д.Тұрғынбаеваның тренингтері ұйымдастырылуда. Мектеп директорының орынбасарлары М.Ақтаев пен Т.Аралбаев жобаны қорғау барысында әртүрлі әдістерді қолдануға қатысты құнды кеңестер берді. Кітапханашылар Серікбаева Г. мен Рапишева Р. оқушыларды жобаға қажетті қосымша әдебиеттермен қамтамасыз етті. Қазақ тілі мен орыс тілі мұғалімдері оқушылармен дикцияны жақсарту және сөздерді анық айту бойынша жұмыс істеп жатыр.
Мектептің медицина қызметкерлері кітап оқудың пайдасы туралы айтып, оқушыларға денсаулықты сақтай отырып кітап оқудың физикалық нормаларын түсіндірді.