Мектебімізде Қазақстан халқы тілдері күнін тойлау жалғасуда.

Қазақ тілі және әдебиеті пәні мұғалімі Аденова Зауреш Амалбекқызы және "Көркемсөз"  үйірме жетекшісі Абжанова Шынар Сапарәліқызының  ұйымдастыруымен 5-6- сыныптар арасында "Жаңылдырсаң да жаңылмаймын" тақырыбында жаңылтпаштар білгірлері челлендд байқауы бастау алды.

Әр аптадағы байқау жеңімпаздары ақтық мәреде бақ сынасып, Чемпион атанбақ. Алғашқы байқау 26.09.2024ж. болып өтті.  Оқушылар қазақ халқының ауыз әдебиетінің бөлінбес бөлігі болып табылатын жаңылтпаштарды терең білетіндерін дәлелдеді.

Сайыстың мақсаты мен міндеті: Жас оқырмандардың халық ауыз әдебиеті шығармасының түрі - жаңылтпашпен таныстыру және халық шығармасының бұл түрінің мәнін терең ұғып, мағынасын аша білуін және ойлау қабілетін, тілін дамыту.

Жүлделі орын алған білім алушыларымыз Алғыс хаттармен марапатталып, бағалы сыйлықтарға ие болды.